Mae fy ngwreiddiau yn ddyfn yn nhirlun amaethyddol a chwareli Llanfairfechan, fy mro genedigol. Mae'r dylanwadau cynnar hynny yr un mor fyw yn fy ngwaith heddiw ac erioed. Cefais gefnogaeth i'r rhan gan fy Rhieni i ddilyn cwrs Coleg Celf yn y 60au. 'Roedd yr hyfforddiant yn amrywiol ac amserol ond 'rydw i wedi teimlo erioed nad oedd yr hyfforddiant hwnnw yn ddigonol ar gyfer datblygu'n dirlunydd. Yn y cyfamser, tra bum i'n dysgu Celf am flynyddoedd nid oedd y cyfle yno i greu tirluniau mawr. Ond yn ddiweddar cefais lwyddiant sylweddol ar ôl ymddeol a mynd ati i werthu fy nghalendrau, mae fy lluniau dyfrlliw a'r printiau ym mhedwar ban y byd. Mae'r prynwyr hynny yn son yn aml bod fy luniau yn creu hiraeth mawr ynddyn nhw am ei cynefin.   Am dri deg un o flynyddoedd bellach 'rydw i wedi byw ar lethrau'r Berwyn, ond mae'r dynfa tuag at bryniau fy mebyd, fu'n her ac ysbrydoliaeth imi erioed mor gryf ac yr oedd ers talwm. Mae agosrwydd y mor a'r mynyddoedd at ei gilydd yn yr ardaloedd hyn yn rhoi cyfle i ddehongli pob math o olygfeydd mewn llun. Yn wir mae'r pethau sy'n fy ysbrydoli i baentio i gyd ar gael o fewn ardaloedd Ynys Môn ac Eryri. Fyddai byth yn syrffedu ar brydferthwch eithradol y lle - y modd mae'r tirlun yn newid yn barhaol, y rhosydd gwylltion, y dyffrynoedd llydan, y waliau llechi a'r hen furiau cerrig ac aneddau.   Gwaith traddodiadol ydi fy ngwaith ar sawl cyfrif, ac fel nifer o bobl eraill byddai'n ymdrechu i ail-greu arbenigrwydd y gologfeydd hynny pob tro. Dyna sut y byddai'n parhau yn fy ngwaith o hyn ymlaen hefyd, yn enwedig wrth imi droi fy llaw at baentio mewn olew ac acrilig ar drothwy cyfnod mwy cadarn ac arbrofol yn fy hanes fel arlunydd.

ebost: keith.morgan14@btinternet.com

Home

News

Gallery and Price List

Commissions

Contact

English

www.keith-morgan.com